santa-claus-1873922

Samichlaus Verse

Sami Niggi-Näggi
Hinder em Ofe stek i.
Gib mär Nüss und Bire,
Dänn chum i wider füre.

        ****

Samichlaus du guete Maa
ändlich bisch du wieder da.
Chunsch cho luege, was ich mache
wien ich spiele, singe, lache.
Tuesch mich lehre, s’ Härz zverschänke
und e chli a andri dänke.
Nur so bin ich sälber froh
und s'Christchind cha zumer cho.

        ****
Samichlaus ich hett en Wunsch
wänn du dänn zu öis hei chunsch
Wett ich mit Dir use gaa
und ächli zum Eseli stah
wett sis Chöpfli i'd Arme neh
und em ächli z'Ässe geh

       ****

Samichlaus wo chunsch du her?
Werum isch au din Sack so schwär?
Bisch dur dä ganzi Wald gloffe?
Häsch vilicht s'Chrischtchindli troffe?
S'hät sicher gseit es chömi au scho gli.
Gäll Chlaus, ich bin e(n) Liebi(e) gsi.

       ****
Samichlaus du liebe Maa
du weisch ja, das ich gfolget haa.
Du weisch au, das ich Guetzli mag,
drum gfallt mir halt de Chlausetag.

       ****

Samichlaus du bisch en Guete
gäll ich bruche gwüss kei Ruete.
Läär lieber hüt i eusem Huus
de allergröschti Chlaussack uus.


       ****
De Samichlaus, de Samichlaus
so tönts vo Huus zu Huus.
Gar mängem Chind chlopft s'Herz so fescht
und luegt zum Fenster uus.

Jetzt polderet er d'Stäge-n-uuf,
was häd er ächt im Sinn?
Er treit än Sack so schwer und gross,
was tuusigs isch da drin?

De Sack de nimmt er immer mit
für d'Chinde gross und chlii.
De brave leert er d'Nüssli uus,
die böse steckt er drii.


Samichlaus
Samichlaus
Samichlaus
Samichlaus